شمر وشمر فاليال الجاهرة - نواف الدحام

ملبوسها صنع الولي الناظره
اللي جميع الناس ماتدري بها

لاجيتها حلت علي العاثره
اموت فيها دايم واحكي بها

دار الشيوخ اللي فعوله جاهره
ماحاشت الهزله وانا ببدي بها

وحتى القصايد لعنبوها ناعره
لا شافت الموت الذي يسري بها

اموت بين الخافيه والضاهره
واعلن علن باني عشقت مغيبها

دار الكرم واهل الفعول الكاسره
حائل تسمع ويش انا بثني بها

افخر بربعي فالحضوض العاثره
شمر هل العادات عند مصيبها

الطيب وسم ماخذوه متاجره
من دور حاتم والصخي يجري بها

والفعل كل الناس طيبه شاهره
وباق القبايل لاحشى مااسوي بها

كلن يجي حقه على منابره
بس الفخر يستاقني وارهي بها

شمر وشمر بالسنين مصابره
تسعين ليلة بالصريف أ روِي بها

وشمر وشمر فالليال الجاهره
عزً يعزك شبها مع شيبها

وشمر وشمر ماليه مباهره
ماشفت بيت ( ن ) صك يوم تعيبها

وشمر وشمر عجعجت مباخره
ارياح جاوي عيبها هو طيبها

وشمر حرارً بالسماء ومفاخره
وللقاع سيل دارج يدوي بها

وشمر تراها للوفاء متباهره
وبينه وبين الطيب عهد جزي بها

هاك القصيد اللي نظمها شاعره
حلل وش الكلمه قبل لا تجيبها

بعلمك يوم انت وسط القاهره
قلي وش اللي جبت في تثريبها

ناس تتقت بالبشوت الفاخره
وحنا نعرف بشوتها واللي بها

افطن ترى بشتك رفته الماهره
وروس الحيايا بالقدم وطي بها

ترى مواجيع الظهور اباهره
والطعنه اللي بالقفى ماامشي بها

وجه بوجه اقره وحلل ظاهره
واللي خفى لازم معي تدري بها

جن القصيد وعرشها مع ساحره
تسوقني واعلامها باموي بها

لا باول الدنيا ولا بااواخره
الشمري لا من غزى سمي بها

ياعادل اقر الشعر وافتق ناحره
وعلم ردي الساس قبل ادوي بها

خله يجنب دقدقت مناجره
من قبل نقطع عاتقه ونليبها

وزبد الحكي صامله يرفى قاصره
والكلمه العوجى رجوتك سيبها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر