خلّه وجرحه ما لجرحه ترى علاج
الطب ما يعالج أبد غرغرينه
ما قلت أبيه وقلت شفني له أحتاج
ولا شحذت من المقفّي حنينه
يا الله منك الصبر يا الله الافراج
تطلق سراح اللي بحبه سجينه
صبري على الله والصبر خير منهاج
منهاج لقلوبٍ ببعده حزينة
هاذي جروح القلب والجرح ولّاج
يا طاعنٍ قلبي بخنجر يمينه
ضاعت سنين العمر وانا أنطر ابهاج
ضاع العمر مني وضاعت سنينه
دمعي عليه مثل بحرٍ ليا هاج
يحرق ظلال العين مع وجنتيه
ويجرف ورودٍ زاهياتٍ بالأمواج
ويقلع لك أشجارٍ على شاطئينه
قربه دفا للعمر من برد ثلاج
وكل السعاده كلها في يدينه
ودعت حبي والصدر كنه سراج
جمرٍ تلظى بالصدر دافينه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.