رد اعتبار

ياالملهمة وقت مضى ..اكتب وشعري لك يبوح
ماجيت ابسأل وشهي اسباب التغلي والجفا

كلمات شعري واضحة ياظالمة كلي وضوح
الصدق نورٍ بيننا واليوم من يمك طفا

صارت علاقتنا جسد..لكن جسد من دون روح
من بعد مامات الوفا جينا نعزي فالوفا

حتى ولو جف الوصل والعذر بغياب الجروح
وين العهد ليه انكّث حتى ولو جرحك شفا

وانتي بقلبي كان الك امجادٍ وحكم وصروح
انهار حكمك للاسف والقلب ضدك يهتفا

بنساك وانسي كل هاذيك السوالف والمزوح
مليت ضحكك بالقناع وطعن غدرك بالقفا

اعود لك..لا.. والف.. لا. وانا الذي طبعي سموح
كم مرةٍ قلت الك انا.. عمّا سلف ربي عفا

واليوم ابا ارد اعتبار..القلب لو لجلك ينوح
كرامتي ماذلها مليت من قولت أفا

ماهمني ياضالمة في قلبك ابقى او اروح
بس ان حبك وسط قلبي كان واليوم اختفا