تعيش الصداقه - خالد المخيدش

أنا لي خويٍ كل ماأبطيت عنه ألقاه
على غصن قلبي لاوي محبّته ليّا

فلو طالت الأيام وشهورها ماأنساه
ألا كيف أبنسى من سكن ضلعي هنيّا !؟

عشير النشامى تنشرى عشرتي وياه
على الطيب والمعروف ماهي على غيّا

يلبّي مطاليب الخوي قبل ماينخاه
ولو عيّت ظروف المقادير ماعيّا

وله مجلسٍ ماصك بيبانه وخلاه
واذا شافني مقبل على مجلسه حيّا

أنا مقصّرٍ في حق مثله ومن شرواه
وحبل الوصل مطوي من أيامنا طيّا

ولكني أدري عل رأس الردي يفداه
ظلام الوصل يضويه شمع الغلا ضيّا

تموت العلاقه دام للمصلحه مبناه
وتعيش الصداقه دام عرق الوفاء حيّا

© 2023 - موقع الشعر