ثلاث سنين

طول انتظار الآدمي يجلب الضيق
وانا ثلاث سنين وانا اتحرا

مالله كتب رغم المساعي توافيق
وانا عن المقسوم مالي مفرا

زانت ولكن خربوها المطافيق
اهل الردى والحسد داخل وبرا

الطيب زرقة رمح بين المطاليق
يوم الردي منه الجميله تبرا

احدٍ تجي وتروح مافك لك ريق
واحد ٍ كلامه لك وفعله يسرا

في لحظة ٍ يبين سر المخاليق
ماكل ضلع ٍ بالعواصيف ذرا

ماني بحاجة من كلامه تلافيق
لو لمّعوا ذكره وناره تكرا

يبي من الغفله على الواقع يفيق
ويشوف في عين العقل .مايغرا

تغيب شمس منمق الهرج تنميق
ويحسب حساباته بخير ٍ وشرا

للاوله راعي وعقبه ملاحيق
لو ادركوها الفرق فيها مورا

الحر الاشقر معتلي بالشواهيق
يوم ان غيره له مكان ومقرا