جيته وأقول القلب يازين يبغيك
أرجوك لاتقطع وصالي ولا تروح
أطلب حنانك ياحبيبي وانا أرجيك
خلك حبيبي مالك القلب والروح
جاني جوابه للأسف وخر ايديك
كنت الغبي صدقت انا بعدك انوح
والحين يوم انك تجيني برجليك
ارتاح اشوفك صايرٍ مثل مذبوح
وأقول له يآقلب مات الغلا فيك
وأبكي ودمعي تحت الأجفان له فوح
راحت ثلاث سنين ضيعتها فيك
وانهد في قلبي طموحات وصروح
الله يسامح قلبك وكل بلاويك
ياللي طعنت القلب وزودت هالبوح
عطني دقيقه لو ثواني واحاكيك
وتسمع بصوتٍ هز هالكون مبحوح
عزآه ياقلبٍ تفطر وانا ابكيك
صرت الضحية وصرت بالحب مجروح
تعليقات الزوار
- كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
- بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
- إدارة موقع الشعر لا تتابع التعليقات المنشورة او تقوم بالرد عليها إلى نادراً.
- لتواصل مع ادارة موقع الشعر إضغط هنا.
