أقبل شعاع العيد والكل فرحان
كلن يبي يعيد ويفرح بعيده
وانا وعيدي قاضي الليل سهران
اسهر والحن من قصيدي نشيده
والعين تذرف دمعها والحزن بان
والدمع من ذكرى الولايف يزيده
ياكيف اعيد والحشا فيه بركان
بركان شوقي في فؤادي وقيده
الشوق يجذبني على شوفة انسان
خلا القصايد في جماله فريده
القلب في حبك ترى دون قبطان
يبحر ويبحر والمشاعر تقيده
من شاف زينك قال يارب سبحان
خلا جمال الكون كله في جيده
سبحان ربي خالق الأنس والجان
ياخذ ويعطي بالحلا في عبيده
وينه وليف الروح لعيونه عطشان
عطشان قلبي من عروقه ووريده
واليوم انا اعيد مع فلان وفلان
بس البلا لاصار تفكيري بيده
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.