العيد لهل العيد .

لـ محمد البياضي، ، في غير مُحدد، آخر تحديث

العيد لهل العيد . - محمد البياضي

العيد لهل العيد باقي له ايام
له يستعد اللي سعيد بزمانه
يا سعدنا به لكن الفرح ما دام
الخير شره حول الاسطوانه
ما تشمل الفرحه ثكالا ولا ايتام
ولا بعد طفل ٍ وفاقد اخوانه
افراحهم قفى بها الحزن درهام
كسر خواطرهم وحل بمكانه
بين الضلوع قلوبهم راحت حطام
فجر بها جور الزمن وامتحانه
بالسوق حنا تداحم اجنوبنا ادحام
مع العوايل كل منا وشانه
على الملابس والحلاوه لنا زحام
كنا عري والا الحلاوه عشانه
ما كن جينا السوق من عشرة اعوام
وثيابنا متكدسه بالخزانه
متوقعين الحظ لا قام ما نام
والوضع شوف العين يشر بنانه
المسلمين تقسمت عدت اقسام
به ناس مبتهجه وناس ٍ حزانه
عان المجازر في فلسطين والشام
ما بين غدر وبين ظلم وخيانه
ارض اليمن دار الكرامه والاسلام
عقب المعزه شبعت من الاهانه
ومن اول ٍ عذراء لها شوق واحلام
تعشق شجاع ٍ ما يعرف الجبانه
تشره على اللي وقفته درع وحزام
عن الخطر والخوف عنده حصانه
واليا تعزوى ما تعزوى بالاوهام
ما يعتزي بناقته ولآ بحصانه
متوكل ٍ بالله شجاع ٍ ومقدام
يشهادة التوحيد ينطق لسانه
في كل كف يحط له رمح وحسام
حتى نشيل على المتون الامانه
كذا توحدنا ولنا صف وايمام
كذا نموت ولا تسلم لحانه
كذا وقفنا وقفة المسلم ان قام
قوه وصرح المجد نرفع كيانه
مبروك ياامة محمد والاسلام
عيد ارمضان الفطر قرب وجانه
© 2024 - موقع الشعر