العيد

هواجيسي تسليني بدنيا كلها حرمان
أدور بزحمة الدنيا وأنا الرجلين مشتلّه

سفينه ناقله همي تخلى عنها الربان
وبقيت بغبة همومي أصارع موجة علّه

مصيري في بحر همي جبرني وأصبح القبطان
أحاول شوفة المرسى عسى الأوهام تندلّه

سجين وأنتظر نورٍ ينوّر لي مع العربان
حياتي كلها ليلٍ مع الأحزان مبتلّه

شعوري بنظم بيوته وأسجل في الهوى قيفان
تهدي خاطرٍ تلعب به الآهات وتشلّه

وأصور ماضي سنينٍ شقاها ماحصل لانسان
تحدتني بلى ذنبٍ كسبته بيننا لله

نجوم الليل خاوتني على درب الشقا سهران
معاها ماأخلف الموعد عرفت الوقت في حلّه

تعبت وصارت الغربه على وجهي لها عنوان
وغبار الوقت يرسل لي مراسيل الدهر كلّه

أمانه يازمن يكفي تراني تايهٍ حيران
سبب خلٍ قريبٍ لي بعيدٍ عن هوى خلّه

عساه يحس بأشواقٍ غدى صدري لها ميدان
يسيطر طيفه الغالي على قلبٍ ضعيفٍ لّه

وحيد ولابقى حبٍ لغيره يسكن الشريان
تحكم حبه الواعد بمجرى الدم وأحتلّه

شفوق بشوفته لحظه يطفي لوعة الولهان
حبيبٍ مبتعد عني وأنا أحبه مثل ظلّه

هني الناس بعيادٍ يكون بها فرح الاوطان
وأنا عيدي الى منه جمع شملي مع شملّه

تمت الاضافه بواسطة : سالم الفروان