بلغوا الطايف وجده والكرى ...!

الغزال اللي .... معه قلبي سرى.
لا تلوموني ...... مادام اني اسير.

بلغوا الطايف وجده والكرى.
عن قدوم الزين بالثلث الاخير.

يفرشون ... اللي تبقّى بالثرى.
من ورودٍ ..... ماتفوح إلاّ عبير.

كم سألني .! في غيابه وش جرى.
نبضتي غِيره .... وحالي في سعير.

ماتذوق العين ...! لذات الكرى.
ساهره والقلب مع حظه كسير.

ليت عين الزين من عنده ترى.
كان ماتبطي ... وانا حالي خطير.

طحت من همٍ .. وحزنٍ لي برى.
ناحلٍ .! جسمي وحظي والمصير.

هو درى باللي جرى او مادرى.
عن وَلَه قلبي .! وفحّات الضمير.

ناحتٍ له.! في ضلوعي ماقرى.
في عيوني ..! ماسكن غيره غرير.

قلتها .... وعهود قلبي في ذرى.
مانقضت العهد لو صده يغير.

دام يهواني ...! وقلبي له شرى.
قلت قلبي فدوة الحب الكبير.