العالم الموحش - سلطان الحويقل

خاطر الارض لانكر كثرت المنكرات
السماء من غضبها ترسل نجومها

يطلق العالم الموحش يدين الشتات
لين بعض الوجيه تغيّر سلومها

في غياهيبه تضيعّك الاربع جهات
يُوّمِي الموت والانفس على يومها

أكلات اللحوم امن اكلات النبات
كل مابان ليل تجيب مقسومها

لو م الله سمح به يمدي الكائنات
من لحم بعضها ماكبرت جرومها

بس ربي من العقل الثبات الثبات
مخلينّ روسها لو زادت عزومها

وخص فيه البشر تزدان ابه ف الحياة
وتحْكم اقوالها وتميّز علومها

والبشر عن بعضها ماتحب السكات
السنتها الطويله تاكل ال حومها

يعني الحيوانات اشوى من الحيوانات
اللي ماغير بس تسحّب هدومها

© 2024 - موقع الشعر