الليل

اراقب الليل واتخيّله : شيخ اسمر 
.ف ايده عصاة السهر يضرب بها جفني
جبّار يبطش بزفراتي وانا مااقدر
.. اقاوم الصبر دام الشوق مضعفني
اقول: ياليل كيف اسلى وكيف اصبر
.. شفني تحَت بشت وحشة منظرَك شفني
هاجرت سن الشباب  وشيبي  المهجر
..ولازلت اغني "ندا"  والورد يعزفني 
على زوال الجروح.وقلبي الاخضر
.. لو صدّ عن مرتع الغزلان...وانصفني
 ماكان وقفّت  لك ياموحش المنظر
.. اسقي ظلامك وبحر البوح يغرفني
لكنّ ماانت السبب.. ياليلي الاسمر
.. اعرفك وآنا  رفيقك وانت تعرفني 
نجمك خرز سبحتَك وعيوني المرمر
.. سبِّح وقطِّع  خيوط الصبح في جفني.