قصيدة وصف لحالة قناصة الطيور المهاجره

لـ محمد البياضي، ، في غير مُحدد، آخر تحديث

قصيدة وصف لحالة قناصة الطيور المهاجره - محمد البياضي

عقب صيد البدون وعقب صيد الاراوي
نقنص الفره الليّ يطرحوها البزوره
والقنص محترف راعيه ماهو بهاوي
طول عمره على الشدات روحه صبوره
قانص الطيرلاراعي ولاهو بشاوي
قام يقنصه واحساسه مناقض شعوره
قانصينه غدو ما بين هاوي ولاوي
كل منهم يقول الصبح ما لاح نوره
ولذن الفجر واحدهم كما السيل داوي
كل وادي يمره لين يشبع غروره
كل شي ٍ يشوفه فاالطريق امتساوي
ما يهمه سوى صيده ويحسب طيوره
لو تحول على راسه كبار البلاوي
جاك يفخر بما صاده ونفسه جسوره
ابلش الوضع ناس ٍ مبعدين الهقاوي
كل منهم قصر خطوته واخفى سروره
يا محمد ياابن عواد والذيب عاوي
ارق والضلع الاسمر ما تخيفك نموره
انت يا الجوهري شاعر ولا انته بغاوي
وصلك الدور وآخوك البياضي بدوره
هذا رد الشاعر / محمد بن عواد الجوهري.
ما لنا يا سمي ومال بعض الدعاوي
الغرايب كثيره والرجال امخبوره
مثل ما قالو الفقري اكله الغناوي
تالي الوقت اشوف الناس صارت سعوره
كل ما شاف له طيرٍ مع الجو جاوي
جاك يطمر وراه وبندقه عند زوره
ايتوطا عباد الله كنه فداوي
من يقل احترامه ما يهاب الخطوره
ما حلا يا البياضي طلتك فالحراوي
في ديار ٍ بها الغزلان ترعى القفوره
ما يروغ بها غير القطا والكراوي
والله انه منى قلبي وغاية سروره
© 2024 - موقع الشعر