دمـعـة رجـل !! - محمد الشمراني

:
 
 
رآيتك بيضاء .. يا عسى الله يخليك ..
. . . . ويكتب لك..الرحمن بعدي / سعاده .. !
 
 
هذا نصيبك .. جعل ربي .. يهنيييك
. . . . ودّعتك اللي ما .. يخلّي .. / عباده .. !
 
 
 
 
مجبور أبارك لك ولو .. كنت بااااغيك ..
. . . . وأجبر عزاء قلبي .. بصبر ../ وجلاده .. !
 
 
في شوف غيري ما تطيعك خطاويك ..
. . . . وشلون لا لبسك .. غيري ../ قلاده .. !
 
 
وشلون لا ضمّك .. " وقبّل أياديك "
. . . . وأصبح لك الواقع .. وصرتي../ مراده .. !
 
 
الله يصبرني .. إذا .. حلّ / طااااريك ..
. . . . وأنتي معاااه .. وجامعتكم .. وساده .. !
 
 
ببكي قهر .. والدمع ماهو بناسيك ..
. . . . " دمعة رجل " .. طاحت بغير الإراده .. !
 
 
وأصعب دموع الناس دمعة محاكيك
. . . . ما كنت أحسبها .. تهزّ .. / الركااده .. !
 
 
وأصدق جروح الناس في قلب مغليك
. . . . جرح ٍ يهددني .. " بحرب الإباااده " .. !
 
 
واللي طعنّي .. طعنة من أياديك ..
. . . . أنك بكيتي .. يوم جابوا / الإفاده .. !
 
 
عيّت يدينك .. لا توقّع على الشيك
. . . . شيك ٍ خذاه اللي .. بقلبه بلاده .. !
 
 
" باعك " .. وأنا بالدم يا بنت شاريك
. . . . كله على شآن الطمع .. " يا عناده " .. !
 
 
ما كنت أحسبها كذا .. في تواليك ..
. . . . لكن على ما قيل .. " حظّ وقراده " .. !
 
 
صرتي حليلة .. شخص غيري " أهنيك "
. . . . كنتي فؤاد ٍ لي .. وصرتي .. / فؤاده .. !
 
 
بلّغ زمانك .. لا يحكّي .. حكااااويك
. . . . وأرفق بدمعك " لا تخليه / عاده " .. !
 
 
وأن جاك غيري .. في وفاتي يعزيك
. . . . أصبر ترى " المؤمن " بصبره عباده .. !
 
 
عادي فديتك .. لا تفكر .. بماضيك ..
. . . . خلّ الزمن يمشي .. على ما أراده .. !
 
 
أضحك وفرفش وأهتني في لياليك ..
. . . . والله يجيب أمطار .. تسقي / بلاده .. !
 
 
وأسمع تراني يا مُنى الروح ناصيك ..
. . . . لا يتعبك .. حالي .. وزود ../ النكاده .. !
 
 
بحاول أعيش العمر .. والعمر فيك ..
. . . . ويعين رب ٍ .. ما يخلّي ... / عباده .. !
© 2022 - موقع الشعر