دمـعـة فـقــيـر ..!

لـ محمد الشمراني، ، في العتب والفراق، آخر تحديث

دمـعـة فـقــيـر ..! - محمد الشمراني

تدري وش أكبر من جروحٍ تساما
جرحي ليا من شفت غيري بصفّه!

وتدري وش اصعب من دموع اليتاما
دمعة فقير / يمد للناس / كفّه !

وياللي غرامك كان نار .. وسلاما
ضف الحزن بظلوعك العوج ضفّه !

وأذكر زماني وكيف كنا وياما
سويت لك بالحب قصرٍ / وزفّه !

ومن شاف عينك ما عليه الملاما
لو قالوا العذال عنه .. مخفّه !

وشيطان حبك لو توضأ .. وصاما
لا بد ما يخلق على الدرب لفّه !

والحين ليت القلب عنك .. تعاما
وليتك بضفه .. وبيننا ألف ضفّه !

فرحت بك عامٍ عن ألفين عاما
وباقي العمر جمرن وجرحك يهفّه!

ودعتك الحي الذي ما يناما
ياللي مع الايام تزداد .. عفّه !

والله ما أصعب من دموع اليتاما
إلا .. فقير يمد للناس كفّه !

© 2022 - موقع الشعر