الناس أجناس !! - محمد الشمراني

الوقت ما غيّر نفس بين الانفاس
حتى ولا غيّر .. شهره وسبوعه !
 
لكن بعض احيان يغدي بك الياس
وتشوف لك مبعد وتطلب رجوعه
 
يا صاحبي لو هي عليّه فلا باس
الظرف يمنعني ونفسي قنوعه ..
 
في ذمتي رفقتك مفخر ونوماس
وفزعتك ما تترك لصاحبك لوعه
 
الله يجمّل حال من جمّل الناس
ويمدّك بخيرٍ كثيره .. فروعه
 
والطيّب اللي ما مشى درب الادناس
صيته سمعه اللي قليله سموعه !
 
ولا الردي لو كان شيخٍ بمجلاس
محدن درى عنه ولو حب كوعه !
 
لكن على ما قيل هالناس اجناس
واللي زرع له طيب يحصد زروعه
© 2022 - موقع الشعر