غصّتٍ بالحلق عيّت لا تروح !!

لـ محمد الشمراني، ، في غير مُحدد، آخر تحديث

غصّتٍ بالحلق عيّت لا تروح !! - محمد الشمراني

والله أن السالفه / متشربكه
غصتٍ ب الحلق عيّت لا تروح !

ايه أحبه بس ودي .. اتركه
ما ابيه يحسّ بأحساس الجروح!

لأن بعض الحب ما فيه ابركه
قبل لا يحفظ لنا سرّه يبوح !

السنين أحيان فيها فبركه
والطموح احيان ما فيها طموح!

والبنادم ماهو كل شيء يدركه
العمر محدود ماهو عمر نوح !

قد يجرّه حلم .. نحو التهلكه
وقد يجرّه واقعه نحو الصروح !

ف لهذا قبل خوض المعركه
أبتعد ف الحبُ مسكاً لا يفوح !

أذهب فأن الحبُ ليس بشكشكه
الحبُّ شيئاً قد توارى خلف روح !

لا تحسب الحب علكٍ .. تعلكه
أو تحسبه انه خرابيط ومزوح!

فيه عالم عايشه وسط اتنكه
وفيه عالم عايشه عيشة نزوح!

والحقيقة معظم اللي يملكه
يحترق في كل يوم ولا ينوح !

والمحبه ما تجيها الدربكه
غير من فرقى ب اياديها تلوح !

وانت يا حبٍ بغيته ب تركه
لجل قلبك لا يجي قلبك جروح !

© 2022 - موقع الشعر