فرقى بعز .. ولا مذلة تعالي ..!

البارحه ذايب مع الشمع .. سكر.
في وجه قافي لاطريتي فبالي.

الليل حاله...! من غيابك تعكر.
وعين الأمل .. مابين حر ٍ ولالي.

إسمك و جوالك و رقم ٍ مسكر.
حدوني أرمي لك معاني وصالي.

وقت الحزن.! في حبنا ليه بكر.؟
ليش الشقا بالعمر أوّل .. وتالي.؟

جيتك اسوق الود من قلب فكر.
إنه ملك قلبك ..... بزين ودلالي.

الهم في داخل ضلوعي تعسكر.
وقلبك ولا باله مع الناس سالي.

لو الوفا شَفّر فؤادي ... تهكر.
ثغرة غيابك هي جواب وسؤالي.

وان كآن في حبك رجاوي تذكر.
اني بدوس القلب لو كنت غالي.!

جاتك حروف ٍ واضحه ماتنكر.
فرقى بعز ....... ولا مذلة تعالي.