عاد عيدك كل عام(ن)بعز وزاد خيرك

لـ خليف الوهيداني، ، في غير مُحدد، آخر تحديث

عاد عيدك كل عام(ن)بعز وزاد خيرك - خليف الوهيداني

عاد عيدك كل عام(ن)بعز وزاد خيرك
وطال عمرك بالسعاده وفي عز الرجالي

والله انه من رداهم وبلواهم يجيرك
بايعين الطيب والعز في مية ريالي

لاتشيل الهم منهم ولايحزن ضميرك
مرخصين لجمع الاموال ذكر وعز غالي

ماكسر خطرك منهم كسر خطار غيرك
مير هم ماحسبوا للبعيد وللموالي

ولا نصحت بنيت الخير بالدنيا قصيرك
له سعيت بخير والله عالم كل حالي

واترك اللي مستشارك ولا تحطه شويرك
لو قضيت العمر مالك بوسط الناس والي

ومن يخالف سيرتك لا تبينله مسيرك
الاتوجه للجنوب اعقبه صوب الشمالي

ماهو في مالك ودنياك من ربك خشيرك
الاتبين بالعدواه لك ولاحتيالي

قبل لاتبلش ويصعب من البلشه مطيرك
وينشرح باله بابلشتك لا طاب له بالي

الا يضيع في حياتك وبالدنيا مصيرك
اترك اللي بالمراجل عديمين المجالي

حط راع الطيب والمرجله عنهم نظيرك
وذخر لك وقت الشدايد وصلفات اليالي

لاتدير اموال للعفن واحذر الايديرك
وعف منه ضخم المكاسب وروح لاتبالي

بالرخا عشير والضيق لاتحسبه عشيرك
لو تشوفه بالرخا راسين مرسى الجبالي

عل يا؟؟؟؟ يزيد الولي مالك وخيرك
ياكريمن بالذكر مع كريمين السبالي

© 2024 - موقع الشعر