عاد عيدك يامقـر الزيـن كلـه - عبدالله مرزوق المرشدي

عاد عيدك يامقر الزين كله
عاد عيدك بالمسره والفروح

ياسمو الحسن ياورده وفله
ياعيون الحور يالصوت البحوح

يانعيم العود يادقه وجله
ياهوى المشتاق ياطب الجروح

ياجنون الشوق ياشوق الموله
ياغرامٍ في خفوقي مايروح

يادواي ومخرجي من كل عله
ياسهوم الموت يالطرف الذبوح

ياغرام صاب قلبي في محله
فج صدري مابغيت اشكي وانوح

ياعذاب لو يطول بي مامله
خاضعٍ له بالهوا مخلص نصوح

يالوصوف النادره يالمستجله
في قصيدالشاعر اللي لك يبوح

جيت اعايد واعتذر عن كل زله
اطلق عنان الرضا خلك سموح

كل عام بخير وانتي مسفهله
ياوصوف الزين في عال السفوح

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر