يادمع انا طالبك تصبر قبل ماتطيح

يادمع انا طالبك تصبر قبل ماتطيح
لاتلتفت للهموم اللي في قلبي تلج

اصبر ولا تلتفت للقلب لو هو يصيح
كم طعنةٍ جات في قلبي من اربع حجج

لو بفتش الجرح واذكر ويش منه جريح
عز الله ان الجروح المبطيه تستلج

ياكم طعونٍ لفتني وجاتني من مليح
اللي عيونه تماري بين دعج وغنج

متبادلين المحبه بالنا مستريح
وعبر التلفون لاغبنا نطرش مسج

عقب الوصل والمواصل كل همن نزيح
تعانق الشوق لين الحب فينا عرج

الله خلق ادم وحواء قبل المطيح
وحواء مخلوقةٍ من ظلعٍ اصله عوج

قامت تزيد المشاكل من عذولٍ قبيح
تفريق الاحباب له غايه ومعها درج

يضيق في داخل العينين كونن فسيح
وفي داخلي ضيقةٍ بسبابها منزعج

مافاد للمشكله هرج ولسانن فصيح
يقطعك يامن بلانا في قفانا هرج

بانت بروق الجفا بعرض السحاب النزيح
وتلاعجت بالدجا ياكم برقٍ لعج

مالوم قلبٍ سحاب الود فوقه شحيح
يشكي من القيض ومن صلف الهوا والمعج

دنيا لها بالهجا تاريخ وايظا مديح
وفي دربها تاجد الظلمه ونور الوهج

مالي على الصبر طاقه مير عايش طريح
مافادني فكري اللي مع خياله يسج

دمعن من الموق غالي ياعسى مايطيح
وياكبرها دمعة الرجال قدم الهمج