قصيدة في منقية مجعد ميزر العازمي

لـ ، ، في غير مُحدد، آخر تحديث :

بدينا بالله الواحد فلا غيره لنا معبود
وسطرنا على بيض الورق والفكر نقاها
وقفنا عند ابو ماجد وهبي ياهبوب النود
نبي نضرب مزامير الفرح لزان مرماها
طبيعتنا الشجاعه مانجي بالعيب والمنقود
هل البل ليا حضرنا بالملاقا نكسر اعداها
ليا ثارت مقابيس البلا نقدم على البارود
على ظهور الاصايل ناخذ البل من معشاها
لنا التاريخ يشهد بالرماح اللي براس العود
وغنايمنا القلايع من عقيد القوم ظواها
ليا منا وردنا نشرب الما لو عليه ورود
ليامنا وردنا البير جبنا الدلو بملاها
تحيزم يابو ماجد دام حنا لليدين عضود
الك لابه تشيلك جعل رب البيت يحماها
نبي بكره نعد النور من شوفن عليه شهود
ليا ثار الغبار وساقو الجيبات تنحاها
مجاهيمن تصور بنضر مثل الجبال السود
اولاد اتلاد سبحان الولي وشلون سواها
نقاها صنفها واحد من الحقه اليا المفرود
وتعب في المرجله ريف النشاما لين صفاها
عوازم من مهدمت الجموع وفعلنا موجود
متيهت العشاير عقب حرب انقير بحماها
بدون قصور في كل القبايل ولاعليهم زود
وكلن له مواقف ورجال تكرم الحاها
وهذي لك هديه يابو ماجد قلتها بالذود
عسى البيبان تفتح ماتسكر اليا نحرناها
وبختمها عدد رش المطر من صافي قرهود
اليا ساقت رعوده في مزونه ونتثر ماها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين