قبل رمضان وقبل ما نايف يصوم
نسبق هلال الشهر قبل انه يشاف
سلام ود وفيه للطيب علوم
مزارق اهل الطيب للطيب مطاف
انته يا بن عرويل نجم من النجوم
في زحمة الشعار لك قدر ومصاف
رجل(ن) وتفهم بالمراجل والسلوم
ومن شرهة اهل الطيب من طيبك تخاف
لكن خشم طويق تلطمه الرجوم
صم الحيود من الخطاء راحت خفاف
الطيب المسمي تعيّبه الرخوم
من فعلهم قدر الاسم اصبح يعاف
غر(ن) عن الواجب تفشله العزوم
من ربعه الادنين يبغاله يقاف
لا يصدق بوعده ولا يقضي لزوم
وعوده من الكذب يشكيها العفاف
ما يدري ان الستر ماهو بالهدوم
ما دامت ادلاله مطاولها الجفاف
وانته يا نايف قرم وربوعك قروم
وعن واجب الضيفان ملهاك الحاف
وسلم عسى مثلك على الدنيا يدوم
ومن رمضان تفوز في بيض الصحاف
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.