حيث المسمي بالسما وانت ممدوح - عشيان بن سليمان

سميت باسم الله خلاق الإرواح
الواحد اللي من الغرق منجي ٍ نوح

بعد الولي نبدى تماثيل وفصاح
يقوله عشيان في صدق ووضوح

يا أمير ياراع المفاخر والإمداح
حيث المسمي بالسما وانت ممدوح

لك مجلس ٍ يلقى به الهرج ومزاح
ومفطح ٍ على الصحن دوم مسدوح

مع دلة ٍ يازين بنه ليا فاح
محروقة ًمن طاهي النار والفوح

تعطي ولا إنت بالمواجيب شحاح
بيته مضيفه للخطاطير مفتوح

من زاركم عقب التعب فكره ارتاح
يصير باله دوم بحماك مشروح

نعم ٍ بكم ياللي على الطيب مشفاح
الله يفكك من غضب كل ساموح

حلياك حر ٍ مرقبه راس ملواح
يا ابن الملك شوفك عزيز ٍ على الروح

أقولها من صدق يوم الخفى باح
والشاهد المعبود ما اقولها مزوح

حيثك عزيز وبالفخر تلبس وشاح
والا الردي عن طاري الطيب مكبوح

الحر حر ٍ لبرق الريش دباح
والبوم فوده بالغناء وكثرة النوح

يا ابن المليك اللي له الفعل بايضاح
زيزوم نجد يوم ذابح ومذبوح

وحد جزيرتنا على حب وافراح
والشرك زاله والجهل صار مزيوح

يوم النمش والشلف ومزارق رماح
سجل تواريخ من المجد بصفوح

عبدالعزيز اللي على الطيب يجتاح
عساه بالجنه سعيد ٍ ومفسوح

خلف رجال ٍ كلها خير وارباح
لإجل المواطن تبتذل كل مصلوح

الكل منهم للمواجيب نطاح
أوجيههم في كل خير بها فتوح

لكم وقار بالميازين رجاح
يا اهل العداله طيبيكم دوم مبيوح

والخاتمه يامير نطلبك الاسماح
ان كان شرحنا قصر عسى الهرج مسموح

وصلاة ربي عد مابارق ٍ لاح
على النبي اعداد سجل على لوح

____
شعر : عشيان بن سليمان

© 2024 - موقع الشعر