أقرب قصائدي إلى قلبي

الاوله بسم الله الرحمن ربّ العالمين
خالق جميع الخلق ومدبّر جميع ارزاقها

والثانيه صلّوا على محمّد شفيع المسلمين
في حزّةٍ من هولها العالم تجفّ ارياقها

والثالثه روحي ومالي فدوة امّ المومنين
اللي فضايلها على الامّه وسيع نطاقها

بالله ياهل المعرفه والراي والعقل الرزين
وشلون اوضّح سيرةٍ يصعب علي سياقها

أعني بذلك سيرة امّي وامّ كلّ المتّقين
السيره اللي في كتاب الله ثبت ميثاقها

ان جيت ابكتب عن مناقب عايشه يالغانمين
أحترت واحتار القلم والكتب هي واوراقها

هل ابتدي في منزلتها عند امام المهتدين؟
والاّ ابتدي في علمها واعمالها واخلاقها؟

لكنّ ابذكر ما تيسّر والله الوالي يعين
وابيات شعري لو عصتني جبتها مستاقها

هي عايشه زوجة رسول الله توقّف يافطين
هذي فضيله تازن بحورٍ طوال اعماقها

زوجة نبي تكفي فما بالك بسيد المرسلين؟
فضيلةٍ مافيه فضلٍ بالفضايل فاقها

أضف إلى ذلك زيادة حبّها عند الامين
على امّهات المومنين وعدلها وانفاقها

وان قلت ابوها قلت لك صدّيق ومن السابقين
وذات النطاقين اختها وملقّبه بانطاقها

وزوداً على ذلك برآءتها من الافك المبين
في عشر ايات مثبّته ومثبّتٍ مصداقها

والخاتمه صلّوا على سيد البشر في كل حين
عدّ المزون اللي تلالا بالسما برّاقها