نور القمر وشلون عيني تشوفه
عن النظر لو نلتقي حاجب حجاب
ماعاد هو ابمنجلي من خسوفه
عقب الضياء لونه تقل ريشة غراب
قلبي عليه هموم بقعاء تلوفه
وعيوني الثنتين منها الحدق ذاب
ممطر على الخدين وابل قنوفه
يامصعب الاسباب وأعرف الاسباب
كل الخطوط اللي تجيه معطوفه
وعلامة إستفهام قبل آصل الباب
وانا عن الهفوات نفسي عزوفه
يجلى بزوغ الشمس للعتم جلباب
ماينفع الرجال لا أقفت حسوفه
ثوب الكرامه ماأنزعه لو بالارقاب
ياما طرق سمعي حلاوة حروفه
مثل العسل مابين أشافيه ينساب
وياما كفوف يدي ظمّن كفوفه
يظحك على فاله وأنا حاسب حساب
وياما شبع شوفي بزينه ونوفه
على جميع الغيد بأقراب واجناب
لكن ماسلّت قدم وجهي سيوفه
لو هي مثاليمٍ لها في مضراب
الحمد لله والحدود معروفه
مادام لي عقلن مع أصحاب الالباب
الحل عندي كاشفه من ظروفه
البيت بالعمدان يثبت والأطناب
مير البلا كلٍ تحده ضروفه
مثل ماغاب النور. عنه الامل غاب
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.