رقم الوظيفه. لـ سيف الهويملي

رقم الوظيفه - سيف الهويملي

احمد الله يوم جاء رقم الوظيفه
من عقب عامين وحنا مالقينا

كم رقينا في شناضير المنيفه
والنتيجه بس به تومي يدينا

وقام حظ ٍ من حتيفه في حتيفه
وانتهض ثم اعتمد وأقبل علينا

وكل واحد فز ثم حيّآ وليفه
ياهلا يامرحبا بالغايبينا

والدموع من الفرح هلّت ذريفه
وكل يمنا ماسكه فيها يمينا

يامحمد, ياأبو ضافي ,ياخليفه
من لسان يترجم اللي بالكنينا

ألف مبروك التخرج والوضيفه
جعلها خير ٍ لكم دنيا ودينا

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.