الدره

لـ سيف الهويملي، ، في الغزل والوصف، آخر تحديث

الدره - سيف الهويملي

الدره اللي لي مثل حبة الكوع
قريبةٍ ليّه ولكن بعيده

إليا بغيت أقول لي صار قاموع
الحض طايح والليالي عنيده

و ش حيلة الرجال لاصار موجوع
عينه ترى البلسم ولاهوب بيده

وجدي عليها ياملا وجد مفجوع
وسط المظامي في جراهيد بيده

في حزةٍ ماله على الخوف دافوع
القوم جاء ناصيه قدمه عقيده

تقول عجٍ خلفهم بالوطاء يثوع
وسيوفهم براق نو بسديده

وا هوى بسيفٍ كل ماناش مقطوع
عقيدهم راع العزوم الشديده

اهوايةٍ ساقه بها صار مجبوع
مايريد قتل النفس وإلا يجيده

الشف قودٍ نيها كنه تلوع
وضحٍ عليها من أسنمتها مكيده

القوم فوق اللي لها راحت مزوع
أقفوا عليها عن طريقٍ تريده

أول لها ممشاه باللي تبي طوع
واليوم راحت مابقاله شريده

ماله جدى إلا الصد والدمع متبوع
في ونةٍ من جوف مثل الوقيده

ربعه كد أحالوا لدار الحيا نجوع
مافيه من ينخى حلاله يعيده

مافيه فازع والخلا ماله سموع
وليا مشى مكسور رجله تكيده

أرضه سنيه مابها عاش جربوع
وأشجارها اللي حاويتها هميده

مافيه زاد ولامعه لو قرطوع
في كنةٍ والشمس فوقه شديده

وأقبل ضلام الليل بسباعٍ تروع
في عتمة الظلماء يبا يصير صيده

قامت عليه تجر الاصوات وتزوع
الجوع مودعهن سواة الجريده

وجدي وجوده والزمن بالقساء يلوع
كم واحدٍ رافق ونينه نهيده

دايم وحاله كل يومٍ على نوع
واللي تقاسيه العقول الرشيده

اعرف من بعد القسى لين وسنوع
إليا اجهلت فيه العقول البليده

برقين فاتن وآخرٍ بان لاموع
عيني على اللاموع يالله تجيده

أخاف لااسمع قولة اللغز مرموع
ويصير لي إمع القعيده قعيده

لو الشجر في كل وادي له فروع
أشكال وانواعٍ حونه عديده

عبرت عن موضوع من قلب مدفوع
موضوع حاويته بيوت القصيده

مير الحقيقه ياعسى اللغز مرفوع
يالين أحله في حياتٍ جديده

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر