غيداً سكينة غرامي تغتشيها
فالحب ياربي احسن خاتمتها
حسدت ماقبلها واللي يليها
رحمة هواها مثل كثر بركتها
تشهيني ابغيّها لين اشتهيها
مشاعري قد كلتها و شربتها
ماغير اوقف على الباب احتريها
لا منها عودت من مدرستها
عين لها سنين عيّت ترتويها
ازريت لا مل كثر مشاهدتها
تقول وضحاً تربّح مشتريها
خمسة ملايين من فوق شعفتها
من روعة اوصافها كلً يبيها
تجهر عيون المشاهد بطخمتها
اللي معه ذودً اوضح يمتنيها
لا شاف الانسام تلعب ب سبلتها
للفردي اللي قناها محتسيها
على تسنادها زين طفحتها
قدام لا شوف طلتها و اجيها
من حسنها قابلتني ب حسنتها
الزين من رجلها لا حاجبيها
واللي فرقها وكبر منزلتها
الارض قدام لا تمشي عليها
تطوي مجاديلها فوق رقبتها
تخاف من طولها تطيح فيها
ماغير دايم تطرّق من تحتها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.