أمّة المليار

يا أمّة المليار عشتي كريمه
أنتي أساس العز واصل الكرامه

في ملّة الإسلام صرتي عظيمه
دين الشرف والعدل والاستقامه

فيه انتقلتي نقلةٍ مستديمه
من العبوديّه لعرش الزعامه

والجاهليّه والامور القديمه
عنها رفعك الله فوق الغمامه

العز للاسلام دايم غنيمه
والذلّّ للكافر ليوم القيامه

والموت بالميدان ماهو هزيمه
وسلامة المهزوم ماهي سلامه

ويش الحياه بدون عزّه وقيمه؟
موت اعتزاز ولا حياة الرخامه

ترضى الاهانه كل نفسٍ ذميمه
مقدارها مقدار ذلّ وندامه

أضرب مثل لاهل العقول السليمه
والحر تكفيه الاشاره علامه

زعيم مصر اللي يقدّس زعيمه
خانه زعيمه يوم زلزل نظامه

هي واضحه للنظره المستقيمه
اللي تقيس الامر شرقه وشامه

الرجل بين امرين مدح وشتيمه:
ذيل الجمل يختار والاّ سنامه؟

الاوله ذمّ وعواقب وخيمه
والثانيه عِزّه وقمّة شهامه

العمر راحل والعمايل مقيمه
والنصر قادم وافرحي ياحمامه

ان مات خالد ماتموت العزيمه
وان مات اسامه فيه مليون اسامه