كنّها سرعة البرق

ياراكب اللي كنّها سرعة البرق
واقوى من الصاروخ قوة جهدها

لاشلّعت من غرب في نيّة الشرق
مثل المزون اللي يزلزل رعدها

طيارةٍ وقودها تحرقه حرق
أفخم رادار تمرّ به مارصدها

طيّارها بينه وبين العرب فرق
ماداخ راسه واشتكى من نكدها

أما شلعها شلع والا زَرَق زْرْق
يالين يصل الديره اللي عمدها

لين المدينه يطرق ابوابها طرق
برسالةٍ مكتوب باول سندها

منّا شهادة حق لا زور لا سرق
يوم الشهادة ذمه لمن شهدها

بالمدح نغرق ديرة المصطفى غرق
اللي بها كلّ السعاده نجدها

فيها ارتبطنا ربطة العرق بالعرق
نعشق حرمها مع قباها وأحدها

عشقٍ على وضح النقا مايجي درق
دلايله حجّه على من جحدها

وياكابتن اللي روس جنحانها برق
ود القصيده من ظميرٍ قصدها

وانحربها بعدين ورقان ثم ارق
واقرا عليهم محتواها وعدها