ياراكب اللي كنها فـرد غـزلان - نغيمش هادي الشولاني

ياراكب اللي كنها فرد غزلان
لاصاعها من يمة الريح زيله

تياسرت مع يمة الجدي لابان
هجنٍ عليها في المساري دليله

فإذا لفيتو شيعو ذكر ضيدان
اللي تعدى الجيل الاول وجيله

قولو سلام الحرص ياطيرحوران
بحفوتن يا اللي علومك جميله

انا بشير للمعادي بخذلان
عزٍ لراسك ياذعار الدبيله

من هازنا زرناه بخشوم الاضعان
ومروبعات في المنازل ظليله

يبرى لها من يمة الخوف فرسان
ومالٍ الى نوخ يشيبك عويله

تراوحت صم الحوافربفرسان
وتخالفو ضرب اليدين الطويله

سرنا عليهم والسفر ما بعد بان
فعل الله الماضي على كل حيله

ياميةٍ في حومة السوء ظفران
ياما ذهب في وردهم من قبيله

يامن يبشر بالخبر ابن سلطان
سبع القبايل فرقتهم قبيله

ياليتكم شفتو طلقين الايمان
تنخاهم انساهم وراحو سحيله

حنا انتصرنا والمعادي بخذلان
ولا يامن الاحكام راعي دغيله

زيزومنا بو راشد ذيب الاقران
حييت يا شيخ علومك مهيله

شيخٍ اليا الى امتلى الجودخان
لاهوم شيال الحمول الثقيله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر