كنّها جني

بعض ذالعذرا تفجع القلب وتروعه
عسى الله يبعدها ولا تقترب منّي

الى شفت شوشتها عن المتن مجبوعه
تقول إنّها جنّي وهي ما هي بْجنّي

تشابه مع الهدهد بشكله وقنزوعه
على اللون الاصفر حطّت البيج والبنّي

تبغى الناس تنظر في هذا الفن والروعه
وهيّه تشرّه لا جمالٍ ولا فنّي

من العقل ومْن الرشد والفكر منزوعه
وقامت تغنّج ربة الحسن يعنّني

ما تدري إنها بّعض التزيان مخدوعه
والله ما يواطنها لا شيعي ولا سنّي