عيون الحسن - خالد المخيدش

ياعيون الحسن والدنيا قصيرة
لاتزيد بظلمة الأيام همّك

ولاتقولين العمر مأخوذ خيره
إغنمي فرحه وحزنه لايهمّك

لو بصرتي بالحياة المستديرة !
تستدير بهالبشر وتعود يمّك

كل مقفي عنك ! يرجع في مسيره
وكل حيٍ مات ! يحيا وسط فمّك

خلي الهقوات في صدرك كبيره
مثل هقواتي على شوفك وضمّك

رغم طول غياب والفرقا مريره !
ماأنقطع كف الرجا من لمس كمّك

جيتني يارقة الورد وعبيره
وأنتفض قلبي من أحزانه بشمّك

وأستخال وعيّنك فيه الأميره
ياأميرة خافقٍ عيّا يذمّك

لو يذم لسان ! تمدحك السريره
ولو تصد العين ! خفاقي يلمّك

ولو تضيق النفس ! تلقى فيك خيره
ولو يضيع العقل ! يستدلل متمّك

لاتقولين أولّه ولاّ الأخيره!
العدد والتصنفه ماهي تعمّك

قدرك أكبر في حياتي من مصيره
وأسألي عيني وضلعينٍ تزمك

والله أن العمر فدوه للأميره
بيعي سنيني بدمعك قبل دمّك

© 2023 - موقع الشعر