مريت بالدار قدمي ما حـد(ن) مـره

مريت بالدار قدمي ما حد(ن) مره
قفر حشائش جميع الدار وزروعه

من يطلب الخير لا سره ولاضره
وانا اعرف الخط مضمونه ومشفوعه

مشفوعه اللي رأته العين مضطره
يدور حول الكلام وباقي فروعه

والله ما ابيه لاخيره ولا شره
ما ابيه في شبعته ناهيك عن جوعه

ياليت حلو الكلام مساوي(ن) مره
لعل مجموع ضده كثر مجموعه

ما أبي كلام يجي له في القفا غره
اذاعة إبليس مقرئه ومسموعة

الشعر ما كل من سمعه عرف سره
مثل المعادن تميز قيمته نوعه

حبه رمل ما تساوي حبة الدره
شتان ما بين ما طيه ومرفوعه