حقيـقةٍ مُـرّه

غالي حبيبي والخطا زلّت لسان
ماهوب قصدي أجرحك جرح ثاني

تكفى أعتبرها زلّت إنسان ولهان
من الوله قصّر بجمع المعاني

أدري بجرحٍ فيك يا أروع إنسان
ما زلت لين اليوم مِنّه تعاني

حبّيت أكحّلها بعد غيبة إزمان
واعميتها على الوله في ثواني

حبّيت أجسّد لك صور كل مَاكان
إللّي مضى وإللّي بقى في زماني

يمكن تعَرف إنّك مع الوقت غلطان
وإن الزّمن بعدك بلحظه جفاني

حقيقةٍ مُرّه بها كل الألوان
فيها العذاب إللّي بلهفه حداني