ياشبه و ضحاً

ميّلي لا ميلتبك نسانيس الشمال
ياهنوفً بالحسن كامله ومكمّله

شيلي الشيله طرب والعبي من دون شال
المشاعر عقب موت الوصال مرمَله

ياشبه وضحاً من الزين ورسوم الجمال
سميت عند اهل الوضح بسم مجمّله

نيّها فوق احجبتها ومتعبها الحيال
دوب تمشي كنّها بالحمول محمّله

من غلاها عند اهلها معشاها الحال
ماتركوها مع رعاة الطروش مهمّله

كنها الغيمه ليّا نزلو عنها الجلال
مثلها ما جات ابه بطن كل مشمّله

يوم يلعب راسها بالخراطيم الطوال
ماتقول الا لنطح الجموع مصمّله