كانك تبي لك مع هل المرجلة كار
عليك بالعليا يا مال السلامه
ياكثر ما ترمي بالانسان الاقدار
والعمر والله ما يطوّل دوامه
ترى الدروب كثار يمين ويسار
عليك بالدرب السوي واغتنامه
اعبر على وضح النقا قبل تحتار
من يعشق الجزلات ترفع مقامه
وان ضاق صدرك بدل الدار بديار
تلقى ديار(ن) تستحق الاقامه
رزقك على الجبار النافع الضار
مكون الكون الكبير ونظامه
وإلا البشر ما عندها غير الاشوار
شور(ن) يصيب وشور يخّر ندامه
اطلب ولي العرش علام الاسرار
يكتب لك التوفيق والاستقامه
الطيب يرفع كل هامات الأحرار
عكس الردى يسلب جميع الكرامة
ما تعترض دنياك حتاك تختار
أصبر على حر الزمان وعسامه
أبوي وصاني على شبت النار
والعروة الوثقى وحب الشهامة
والحرص كل الحرص في حشمة الجار
وغض النظر عن زلته واحترامه
ومرافقت دائم بعيدين الأنظار
وانا احترم رايه واقدر كلامه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.