ياطول صبري

ياطول صبري على الاوضاع ياقوّي
وان ضاع مني دليلي ونْغلق بابه

وماجت على الكيف زاد الهم في جوّي
مع قسوة الوقت في جوفي غرزنابه

وسْتفحل الضّيق قام يزود ويشوّي
والحال هِدّتْ وكنّه بِيد حلاّبه

أقول يالله تدابيرك وما تْسوّي
وسجّ رجلي ال جو(ن)ضاع طلاّبه

واشب ناري وصب الصوت واعوّي
وهلّ دمعي واغَسْل الهم ونْشابه

وذْكْرك ياللي ال فَلّ الخاطر اتْبوّي
تبيني أدله ياكود النفس تلها به

وانا تزايد جروحي واسْعرت ضوّي
واكْدار وقتي اوْصفْوه دوم تتشابه

من سبّة اللي إليه الانْجنْ اتْهوّي
ولْغيردربه بساتمْها مع اجنابه

اللي غلاها على الفؤاد متْلوّي
ياويل من يقربه ماهوب لاحْبابه

ذي قصتي يالفتى مانيب متْروي
واللي عقد روسها يفتح لنا بابه

ماضاع من جوّد الاسباب ويْسوي
والهقوه اللي تخيب ينحّي اسبابه

والبارق اللي تخيله دوم وتْنوي
حولك مطيحه وضعونك يوم تفلا به