ياطول حرماني - عبدالله الفيصل

يا طول حرماني في عيوني تراعيك
وعن ما تريد الروح تَقصِر يديني

حتى الحكي ما قدَرْ مع الناس أحاكيك
من حالوا الحساد بينك وبيني

ما يتركونك لحظةٍ لي وأناجيك
وأبدي لك الخافي وبَيِّح كِنيني

وأدري بهاجس خاطرك ويش طاريك
هو أنت تكره شوفتي أو تبيني

هو أنت مثلي هايمات ضواميك
على حياضي غادي لك حنينِ

أو إن قلبك مع حبيبٍ مهاويك
يسقيك خمر الحب يا نور عيني

أما قِصَرْت ارشاي ما عاد لي فيك
والياس في الدنيا حدا الراحتينِ

وإلا وردت ودِستْ بالرجل حاميك
والصادق اللي بس دونك يجيني

© 2024 - موقع الشعر