حل احد الالغاز التي طرحتها شعراً من الشاعر/ حسن عبيدالسرحاني البلوي وردي عليه .

وايش رجال ٍنصيح ولا ينام الليل كله
طول ليله ما ينام ولا بعد يرقد نهاره
فيه ناس تقول متسلط وناس تقول لِله
والجميع يهابه ومن هيبته زاد اعتباره
رجل له يمنى بها سيف ٍعلى المخطي تسله
والحذر يالليّ تعرف الحر تكفيه الاشاره
طبعاً الحل (ساهر)
توصلوا للحل الكثير وتوصل للحل شعراً الشاعر / حسن السرحاني .
قال :
صاحبك ما وده ان الضيف يدري عن محله
من صلاحه واقفٍ للناس من خلف الاشاره
كن تعرفه يا محمد بلغه علمي وقله
ما وراه الا المشاكل ما وراه الا الخساره
ردي عليه :
من يعرف رموز بني اللغز ياابوزياد حله
وانت فكيت الرموز وجبت حله من قراره
صاحبي ساهراعرفه زين ياالصاحب وادله
له مواقع في تبوك وكل يوم بجنب حاره
جيته وبلغته ان الناس فيهم كم عله
حسب ما وصيتني ومنتظر منك الزياره