ابيات من الشاعر حسن عبيد السرحاني وردي عليه .

يامحمد الديره الليّ تعجب الشاوي وراع البعير
اليا غشيها الزفلت يخرب اشيا ما توقعتها

البل عليها الخطر والطير من ماكره يبغى يطير
وشلون تلقى ذهوبك يالبياضي كان ضيعتها

لو ديرتي يامحمد مابها غير الضرم والخشير
لوسامها فلان بن علان في مليون ما بعتها

واجبت عليه بهذه الابيات :
ذي حاجة ابن الوطن وده يواكب كل شيء ٍيصير

والناس ما تقتنع لو كان يابن عبيد قنعتها
وانا اتوقع ليا جاها الزفلت الوضع يصبح خطير

ويامصعب الليّ تغدي في وقتنا الحالي ورجعتها
وانا ادري ان الوطن غالي وحبه راسخ ٍٍفالضمير

هذي غريزه وفاء ماهي بحاجات ٍ تصنعتها
لو كان مافيه غيرالليّ ذكرت بشوف عينك كبير

ومن هو يلومك لو ان النار لجل حماه ولعتها.