عظم و مفاصل ..!

ما هزني قرب الغنادير لو كنت.
تقدر تحيك امن المسافه تواصل.!

عجّل قبل لاتشرق الشمس لاهنت.
مع زحمة الاشواق ملزوم تاصل.

ماهمني قول الخلايق تجننت.
معذور لو تركض ورى ويش حاصل.

أكتبك بأشعاري على كيف مابنت.
ويضيع عرض المختلف مع فواصل.

قمة أنوثه مع ليونه لها لنت.
والمعجزه ما فيك عظم و مفاصل.!!!

تدري أحبك حب لو به تمعنت.
يمكن تقول إني عن الناس فاصل.

لكن سؤالي أنت بالله وين أنت.؟
ماعاد اشوفك للوصل صرت واصل.!