فمان الله

فمان الله يا خل ٍ هويته
وقلبي كان له بالحب بيته

فمان الله يامن كان حلمي
وبعت الناس بتراب وشريته

فمان الله يا أعز الخلايق
وأنا بنهي طريق ٍ قد بديته

حسبت أنك خويي في طريقي
لكن القلب شاف أنك جفيته

حسبتك تا ترد الدين ليه
ويعطيني فؤادك ما عطيته

من أخلاص ومحبه مع تفاني
ويفداني مثل ما أنا فديته

حسبتك مار خيبت الهقاوي
وياليتك رحت ما قلبي كويته

بجحدان الفضايل من حبيبك
وهدمان الذي بيدك بنيته

نسيت اللي مضي بيني وبينك
وأنا من كثر حبك ما نسيته

على فرقاي بيَت النوايا
وانا غافل ولا ادري وش نويته

تمر أيام ما تسأل عليه
وأنا ليته لعله ثم ليته

يدق وينشد اش سبة غيابك
لكنّه خيّب اللي قد هقيته

فمان الله يامن باع حبي
وقفى والمقفي ما رجيته

عسى ربي يمسح لك دروبك
وانا بنهي طريق ٍ قد بديته