زيف الشعار

توي عرفت أني غريب وموطني ماله آثر
في خارطة كل البلاد المسلمه والكافره

بعد أنكشف زيف الشعار الي على وجه الودر
ماعاد لي مجلاس مابينه وبين مخاشره

أبسط مثال أنه هجرني يوم قال ابي الدهر
وانا اتحرا له وعيني من عناها ساهره

كنت احسب انه صاحب الوقفات جلاي الكدر
واثره كما العقرب نفوخ السم فيها ظاهره

لاعاد يوم ٍ مد ألي يمناه في وسط البحر
وأنا أنتشلته وأحتميته قلت ماني هاجره

أسقيته الماء العذب من كفي سبوعين وشهر
ولبيت كل اللي يبي ماودي أكسر خاطره

ودليته الدرب السليم اللي يجنّبه الخطر
آلين صار القايد اللي مايخيب مشاوره

واليوم يهجرني ويستكثر يلد بي النظر
هذي طبوع اللاش ولد اللاش ماحد يعاشره

لاتحسبوني ياعرب موتي على شوفه حظر
الحمدلله والثناء من بعد مابان آخره

وخطاي في هالوقت لو طال الحكي ولا قصر
أني نظرت الخلق في نظرة رفيق ٍ خابره