برق الثار - محمد الشيباني

بسألك يالوقت ليش تزود أجراحي
ليش المعنى تكثر فيه طعناتك

مايحزنك دمعي المسكوب ونيآحي
وصبري على ضيمك وغثك وصكاتك

ولايحزنك هجري ألحظات الأفراحي
ولاتحزنك نظرة الطامع بمداتك

أوفيت لك لين ما في خاطري باحي
سكت عن ظلمك وسترّت خلاتك

عنيتني في مساريه ومسرآحي
والله عليم ٍ بما تخفيه نياتك

مدري متى منك حالي راح يرتاحي
ياللي تجازي حساناتي بسياتك

شفني طريح ٍ عليل الجرح بمراحي
وكل السبب في مطيحي قسو صدماتك

كني عدوك وبرق الثار قد لآحي
ودك تفنن في تعذيبي بمشهاتك

© 2024 - موقع الشعر