نجد سلمان - محمد بن فرزان

لاواهني نجد العذيّه بسلمان
مزاجها متوافقٍ مع مزاجه

بنتٍ زهاها الزين حلٍ وتيجان
قدم العرب قامت تباها بتاجه

العز فيها من موارد بليهان
(سلمان) ولّع في سماها سراجه

(سلمان) ما غيره لها اليوم سلطان
به تفتخر لا حل يوم المواجه

تزينّت ب اسمه لها صار عنوان
اسمٍ مطوقها بْمحكم سياجه

اسمٍ تميّز به على كل الاوطان
والله غيره مالها اليوم حاجه

في ضف (سلمان) السعد شانها شان
في وجهها دايم طليقٍ حجاجه

من حدّته دنياه له صار مزبان
ابو فهد في ضفّه الف انفراجه

عدٍ قراح ويارده كل عطشان
من يارده ينسى موارد هماجه

الطيب به يرقى على راس ما بان
الطيب يلقى في يمينه خراجه

كنّه غدى لميلات الايام ميزان
(سلمان) عدّل فالزمان اعوجاجه

الطيب يفخر به على مر الازمان
واللي عرف طيبه سكن برج عاجه

الفيصلي للطيب ملجأ وميدان
سقم الزمن يلقى بكفه علاجه

بشته دفانا لاغدا الليل هتان
وذراً يذّري عن هبايب عجاجه

ويكفي على نجد العذيّه بليهان
واعز منها شوفته وانبلاجه

© 2024 - موقع الشعر