نجد. لـ عبدالعزيز آل سعود

نجد - عبدالعزيز آل سعود

نجد بلياليها عن امثالها زود
لو كلها عند الاوادم ليالي

يا اللي ليالي نجد بعيونكم سود
يابعدكم عن فهم سر الجمالي

غير الجمال اللي بالانظار مشهود
احساس خافي بين غالي وغالي

نجد بلياليها اللي هبت النود
عانقت بالفكر النجوم العوالي

وادركت معنى سامي النبل والجود
اللي تميز به فعول الرجالي

دار الفهود اليي مناهيجهم كود
اللي منازلهم سنام المعالي

نجد الوفا..نجد العطى ماله حدود
نجد المروه والشموخ المثالي

نجد الهوى المصيون عن كل منقود
بالعصر الاول والعصور التوالي

لي مع لياليها مواثيق وعهود
العسر منها يسر المر والحالي

العضو: فهد الخرجي

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.