ودّك تغيّر

يا زين قلبي منك زعلان
زعلان من فعلٍ تسوّيه

يا هل تراك نسيت ما كان
يوم الهوى كنّا نداريه

دهرٍ مضى ويّاك وأزمان
في أنس قضّينا لياليه

يا ما سهرنا بهمس وأشجان
يوم الخلي طرفه يغضّيه

ويا ما لعبنا بروض بستان
والورق صدّاح بأغانيه

ويا ما جرينا بوسط ميدان
حتى تعبنا ما نحس فيه

لكن هذا اليوم يا فلان
ودّك تغيّر في معانيه

وصلك تبدّل لي بهجران
وهدمت قصرٍ كنت بانيه

تشك فيّه دون برهان
وتظن ود الغير أبغيه

يا ريم يا بو طرف وسنان
قلبي علامك ما تراعيه

لو كان قلبي منك زعلان
ملزوم يالغالي تراضيه