تغير حال - مطلق بن لافي العتيبي

قلب المواجع داخله علم وعلوم
من ما ذخر في ليلته بالشكاوي

يكتب على جرح المحبين وسلوم
يكتب على فرقا خليلن شقاوي

ناح الحمام وهيض القلب بالحوم
هيض على قلبن سبته المناوي

لا واهني الطير لاضاق بالكوم
فل الجناح وعانق الجو ناوي

ماتتعبه كثر الهواجيس فالحوم
يقتل هموم القلب لو هي بلاوي

وانا كسير القلب والقلب مظلوم
من مهرتن خلت خفوقي سلاوي

تلعب على شريان قلبي بلا سوم
ماهمها ياناس قب الهواوي

ياذا الزمن حبك غدا حب مسموم
ماعادي ينفع في قليبي مداوي

قلبي رهيف وصادفه حب مقسوم
بس البلا ياناس حب المهاوي

كنا نعيش وحالت الحب مكتوم
في داخل الاثنين والقلب ياوي

فجأه تغير حاله وصار معدوم
كلن يجمع في ضميره نقاوي

الشكل واضح والضماير بهااليوم
مابين سم وغيض يارب داوي

حان الوداع وقصتي هاكم اليوم
هذا قدر والله على الكل قاوي

© 2024 - موقع الشعر